This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
KAPWA sugatan ang isang security guard at isang 17-anyos binatilyo makaraan ang naganap na rambol ng mga nag-iinoman kamakalawa ng madaling-araw sa Tondo, Maynila.
Tinamaan ng saksak sa kaliwang braso at mukha ang biktimang si Roy Escasinas,17; habang may hiwa sa ulo si Marlon Ervas, security guard, 26, ng 855 Prudencia St., Dagupan St.,Tondo, Maynila, makaraan hatawin ng bote ng beer.
Ayon kay SPO2 Virgilio Balagtas, ng Manila Police District-Police Station, naganap ang insidente dakong 2 a.m. malapit sa bahay ng biktimang si Ervas.
Napag-alaman, nag-iinoman ang grupo ng mga biktima habang nag-iinoman din ang grupo ng mga suspek sa pangunguna ni alyas Jayson sa kabilang bahagi ng kalsada.
Nagsimula ang kaguluhan nang mairita ang grupo ng mga biktima sa ginawang pagpapapansin ng grupo ni Jason.
Pagkaraan ay nagpang-abot ang dalawang grupo na nagresulta sa pagkakasugat ng dalawang biktma.
Natigil lamang ang gulo nang sumugod ang mga residente sa lugar para awatin ang dalawang panig.
Isinugod ang dalawang biktima sa Jose Reyes Memorial Medical Center habang tumakas ang grupo ni Jayson.
