Wednesday , February 28 2024

PNoy: Hindi LP ang umaatake kay Sen. Poe

082515 pnoy grace poe
“INAAKIT namin siya tapos gagawa kami ng black propaganda?” tanong ni Pangulong Benigno “Noynoy” Aquino sa mga mamamahayag kahapon sa Cebu.

Ito’y nang tanungin si PNoy kung ano ang reaksiyon niya sa pahayag ni Senadora Grace Poe na mga kaalyado ng administrasyon ang mga nagpasimula ng mga atake laban sa kanyang pagkatao.

“Parang kung saka-sakaling makuha namin siya, sasagutin namin ‘yung black propagandang ginawa namin? So wala yatang sense ‘yun,” sagot ni PNoy.

Sinabi pa ng Pangulo na dahil papalapit na ang eleksiyon, panahon na naman ng siraan at batuhan ng putik. “Siyempre panahon ng katakot-takot na intriga, katakot-takot na disinformation, at lalabas din naman ‘yung katotohanan,” diin niya. “Pero ulit, gusto ko lang ipagdiinan: Anong pakinabang namin kung gagawa kami ng ganoong bagay?”

Nasa Cebu si PNoy para sa isang ‘Gathering of Friends’ na inulit niya ang pag-endorso kay outgoing DILG Secretary Mar Roxas bilang kanyang kandidato sa pampanguluhan sa 2016.

Malugod na tinanggap ni Roxas ang hamon ni PNoy na ituloy ang ‘Daang Matuwid’ ng administrasyong Aquino. “We are fighting the good fight. Ang ipinaglalaban natin, hindi ang ating mga sarili kundi ang kinabukasan ng ating bayan,” anito sa kanyang talumpati.

Idiniin ni PNoy ang kahalagahan ituloy ang magandang pamamahala para sa kapakanan ng mga Filipino. Inulit din niya ang kahalagahan ng pag-iisa ng mga tagapagtaguyod ng Daang Matuwid. “Kami sa koalisyon, hindi lang Liberal. Talagang umaasa pa rin na magkasama-sama lahat ng puwersang gustong magpatuloy sa nangyayari ngayon,” sabi niya.

Inilista na rin ni PNoy ang mga miyembro ng Gabinete na nalalapit na ang pagbibitiw sa puwesto katulad nina MMDA Chairman Francis Tolentino at TESDA director general Joel Villanueva dahil sa balak na tumakbo sa eleksiyon.

About hataw tabloid

Check Also

SM Foundation farmer 1

From passion to prosperity
SM Foundation farmer-beneficiary now an agripreneur, draws inspiration from Henry Sy, Sr.

KSK alumna Virgie with some of her mushroom chicharon products Gone are the days when …

April Aguilar Brgy Pilar Las Piñas

VM Aguilar pinangunahan ang pagtulong sa mga nasunugan sa Brgy. Pilar

PINANGUNAHAN ni Las Piñas City Vice Mayor April Aguilar ang pamamahagi ng tulong sa mga …

Pamahalaang Panlalawigan ng Bulacan, Eagle Cement, nagtanim ng 2,000 bakawan sa Hagonoy, Paombong

Pamahalaang Panlalawigan ng Bulacan, Eagle Cement, nagtanim ng 2,000 bakawan sa Hagonoy, Paombong

UPANG panumbalikin ang mga bakawan sa mga baybaying barangay ng lalawigan, nakipagkaisa ang Pamahalaang Panlalawigan …

Wanted na mga criminal, drug dealer sa Bulacan kinalawit

Wanted na mga criminal, drug dealer sa Bulacan kinalawit

NAGSAGAWA ng matagumpay na operasyon ang pulisya ng Bulacan kamakalawa, na nagresulta sa pagkaaresto ng …

Andre Perez Dizon

PBGen Dizon pinarangalan ng PNP NHQ (sa epektibong pamumuno sa hanay ng Kasurog Cops PRO5)

GINAWARAN ng “Medalya ng Katangitanging Gawa si Police Regional Office 5 Director PBGen Andre Perez …

Leave a Reply

Your email address will not be published. Required fields are marked *