This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
NAMATAY ang isang 33-anyos lalaki na pinaniniwalaang nasakal ng kanyang nakatatandang kapatid na lalaki habang inaawat sa kanyang pagwawala sa Pandacan, Maynila, kamakalawa.
Hindi na umabot nang buhay sa Ospital ng Maynila ang biktimang si John Paul Tamayo, 33, jobless, residente sa 2630 Road 1, Barrio Obrero, Pandacan.
Habang arestado ang suspek na si Michael Tamayo, 35, nagtatrabaho bilang administrative assistant sa St. Luke’s Medical Center, residente sa Sta. Maria St., Pandacan.
Sa imbestigasyon ni PO3 Michael Maraggun ng Manila Police District Homicide Section, dakong 11:45 a.m. nang mangyari ang insidente.
Sinabi ng saksing si Richmond Kenneth Cordoviz, 26, kagawad ng Brgy. 837, Zone 91, District VI, ipinatawag siya ng ina ng suspek at biktima dahil gumagawa ng kaguluhan si John Paul.
Nang puntahan ang bahay ng magkapatid, nasaksihan ni Cordoviz na sinasakal ng suspek ang kanyang kapatid at humihingi ng straw na ipangsasakal niya sa biktima.
Mabilis na humingi ng tulong si Cordoviz sa pulisya ngunit nang balikan nila ang biktima ay wala nang malay.
Isinugod nila ang biktima sa ospital ngunit idineklarang dead on arrival.
Leonard Basilio may kasamang ulat nina Beatriz Pereña, Rhea Fe Pasumbal, Anne Murielle Eugenio at Angelica Ballesteros
