Wednesday , February 28 2024

Sandiganbayan Justice inasunto sa P15-M Extortion (Gov. Alfonso Umali pumalag)

NAHAHARAP sa grave misconduct charges sa Korte Suprema si Sandiganbayan associate justice Jose Hernandez sa reklamong tangkang pangingikil ng P15 milyon kay Oriental Mindoro governor Alfonso Umali Jr., kapalit ng pagpapawalang-sala sa kasong graft pero itinuloy ang hatol nang tanggihan ito ng provincial executive.

Nag-ugat ang reklamo ni Umali laban kay Hernandez mula sa pagpasa ng Sangguniang Panlalawigan Resolution No. 284-93 na nagbigay ng awtoridad kay dating provincial governor Rodolfo Valencia na pumasok sa isang P2.5-milyon credit agreement para sa operasyon ng MV Ace sa rutang Calapan-Batangas at vice versa na tutugon sa pangngailangan ng lalawigan lalo sa panahon ng kalamidad.

Si Hernandez, noo’y presiding judge ng 4th Division ng anti-graft court, ang naglitis at naghatol kina Umali, Valencia at sangguniang panlalawigan member Romualdo Bawasanta.

Sa kabilang dako, si Umali naman ang provincial administrator sa panahon ng termino ni Valencia bilang gobernador nang malagdaan ang P2.5-milyong credit loan agreement.

“Bago ang desisyon ng Sandiganbayan nitong Abril 20 (2015), nilapitan ang aking kampo ng isang Ruel Ricafort—isang tao na napag-alaman naming malapit kay Justice Hernandez at kanyang maybahay. Malinaw na sinabi rin ni Ginoong Ricafort na pinsan siya ng asawa ni Justice Hernandez. Sinabi rin niya na kung nais kong mapawalang-sala, ang kailangan ko lang gawin ay magbayad ng P15 milyon kay Justice Hernandez,” dagdag ng gobernador.

Sinabi umano ni Ricafort na ang planong pagpapawalang-sala kay Umali ay isang ‘one-time offer’ na dapat niyang ‘tanggapin o iwan’ sa mesa.

Ngunit nang tanggihan ni Umali ang iniaalok na ‘kasunduan’ sinigurado umano ni Hernandez na mahahatulan ang gobernador.

Ibinulgar  ni Umali na naging ‘pangunahing target’ siya ni Hernandez dahil si Representative Reynaldo Umali—na matagal nang may krusada laban sa judicial corruption at isa rin sa dahilan ng pagkakatanggal ni Justice Gregorio Ong ay kanyang kapatid.

Napaulat na sina Hernandez at Ong, dating presiding judge ng 4th Division ng Sandiganbayan, ay ‘matalik na magkaibigan.’

Ayon kay Umali, bilang mahistrado ng korte na naglilitis ng mga kasong kriminal laban sa mga opisyal ng pamahalaan, hawak ni Hernandez ang kapangyarihan sa buhay, kalayaan at ari-arian ng mga akusado at gayon din ang career ng mga taong nasa serbisyo publiko.

“Para sa maraming public officials, tanging pagsisilbi sa publiko ang pundasyon na pinaninindigan sa kanilang buong buhay. Ito’y maaaring agawin na lamang ng isang tiwali at “biased” na mahistrado tulad ng respondent,” punto ni Umali.

JSY

About JSY

Check Also

SM Foundation farmer 1

From passion to prosperity
SM Foundation farmer-beneficiary now an agripreneur, draws inspiration from Henry Sy, Sr.

KSK alumna Virgie with some of her mushroom chicharon products Gone are the days when …

April Aguilar Brgy Pilar Las Piñas

VM Aguilar pinangunahan ang pagtulong sa mga nasunugan sa Brgy. Pilar

PINANGUNAHAN ni Las Piñas City Vice Mayor April Aguilar ang pamamahagi ng tulong sa mga …

Pamahalaang Panlalawigan ng Bulacan, Eagle Cement, nagtanim ng 2,000 bakawan sa Hagonoy, Paombong

Pamahalaang Panlalawigan ng Bulacan, Eagle Cement, nagtanim ng 2,000 bakawan sa Hagonoy, Paombong

UPANG panumbalikin ang mga bakawan sa mga baybaying barangay ng lalawigan, nakipagkaisa ang Pamahalaang Panlalawigan …

Wanted na mga criminal, drug dealer sa Bulacan kinalawit

Wanted na mga criminal, drug dealer sa Bulacan kinalawit

NAGSAGAWA ng matagumpay na operasyon ang pulisya ng Bulacan kamakalawa, na nagresulta sa pagkaaresto ng …

Andre Perez Dizon

PBGen Dizon pinarangalan ng PNP NHQ (sa epektibong pamumuno sa hanay ng Kasurog Cops PRO5)

GINAWARAN ng “Medalya ng Katangitanging Gawa si Police Regional Office 5 Director PBGen Andre Perez …

Leave a Reply

Your email address will not be published. Required fields are marked *