Kakapusan ng IOs at maling prioridad sa paglalagay ng Immigration Counter para sa pinoy at OFW passports sa NAIA T-3

KAPANSIN-PANSIN sa Ninoy Aquino International Airport (NAIA) Terminal 3 na mas maraming Immigration counter ang nakalaan para sa foreign passports.

Gaya na lang nitong nakaraang Semana Santa, apat na counter ang inilalaan sa foreign passports habang dalawang counter lang para sa Filipino passports.

What the fact, newly promoted IO-3 Dennis Opina!?

Ang nangyayari tuloy, naimbudo ang mga pasaherong Pinoy sa haba ng pila habang ang luwag-luwag ng apat na counter para sa foreign passports.

Heto pa ang siste. Iisa lang ang Immigration officer na itinatalaga sa bawat counter na dati ay dalawa, kaya lalong kumupad ang pag-usad ng pila ng mga pasahero.

Sabi nga ng Pinoy travellers, sa bansa natin ay baligtad talaga, mas priority pa ang dayuhan kaysa Filipino?!

Sino kaya ang henyong-talong sa BI-NAIA T3 ang nakaisip na ganito ang gawin sa Immigration counters?!

Hindi ba’t ang dami nang kinuhang bagong Immigration Officers na sinusuweldohan ng Bureau sa pamamagitan ng Pinoy taxpayers’ money?!

Paging BI-NAIA T3, pakiayos naman ang counters ninyo para sa Pinoy passengers at OFW!

Aksiyon Immigration Supervisor Rico Pedrealba!