HATAW! D'yaryo ng Bayan hatawtabloid.com
NAKAHUNTAHAN namin recently si March Cubales at aminado siyang nami-miss na niya ang mundo ng showbiz, pati na ang politika!
Although hindi sure ni Marc kung gusto niyang magbalik-showbiz. Pero ayon sa kanya, nakaramdam daw siya ng kakaibang excitement nang dumalo siya sa nakaraang 31st Star Awards for Movies ng PMMC.
“Nag-enjoy ako sa Star Awards ng PMPC. Parang feeling ko tuloy, na-miss ko ang showbiz at na-miss ko rin ang mga kaibigan ko from the entertainment press,” pahayag ni Marc.
Si Marc ay dating model na lumaki sa Manchester, United Kingdom. Sa murang edad na thirteen, naranasan na niyang maging modelo.
Sa ngayon, mas aktibo ulit si Marc sa mga showbiz gatherings. Kamakailan ay isa siya sa naging producer sa Hataw Superbodies 2015 (D Next Level).
May nagbulong din sa amin na posibleng pumasok ulit si Marc sa politika. Kilala rin kasi si Marc bilang pilantropo at maraming natulungan, hindi lang sa kanyang mga kababayan sa Montalban, Rodriguez Rizal, kundi maging sa ibang lugar.
Kumandidato siyang Konsehal sa kanyang bayan sa Montalban noong 2010, subalit hindi pinalad. Sa darating na 2016, posibleng kumandidato ulit si Marc bilang Konsehal sa naturang bayan.
Goodluck sa iyo Marc at sa lahat ng projects na papasukin at gagawin mo.
ni Nonie V. Nicasio
