This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
BAGUIO CITY – Mechanical error ang nakikitang dahilan ng pulisya sa pagkahulog ng isang dumptruck sa bangin sa Inlulan Poblacion, South Lagawe, Ifugao kamakalawa ng gabi na ikinamatay ng isang lalaki at ikinasugat ng walong iba pa.
Ayon kay PO3 Ricardo Dungeng, nang makarating ang sasakyan sa kurbada ay bigla itong nawalan ng preno na naging dahilan para dumiretso sa bangin na may 30 metro ang lalim.
Idineklarang dead on arrival si Ben Humiwat, 56, residente ng Montabiong, Lagawe, Ifugao.
Samantala, dinala sa Panupdupan District Hospital ang isa sa mga sugatan na si Richard Cotillo Sobrepeña, 46, driver ng dumptruck, kritikal ang kondisyon.
Ang iba pang mga sugatan ngunit nasa mabuti nang kalagayan ay sina Edwin Padilla Baltazar, 52; Jay-ar Castillo Moya, 16; Henry Cabreros Dangan, 39; Kevin Lloyd Danglan Alvarez, 19; Homer Mendoza Nehis, 23; Rainier Dangan Dagdag, 22, pawang residente ng Bayombong, Nueva Vizcaya, at Leopoldo Ong, 27, mula sa San Jose Del Monte City, Bulacan.
Mapalad na hindi nasugatan ang isa pa sa mga sakay ng dumptruck (BAM-699) na si Rodrigo Marcel Villanueva.
