This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
BAGAMA’T patuloy ang pagbuti ng kondisyon, magtatagal pa sa ospital si Cavite Vice Gov. Jolo Revilla.
Ayon sa aktres at ina niyang si Cavite Rep. Lani Mercado, mananatili pa rin si Jolo sa Asian Hospital and Medical Center dahil nakakabit pa rin ang chest tube sa bise gobernador hanggang tuluyang ma-drain ang dugo sa sugat.
“The latest Medical Bulletin today. We will be staying longer since the tube is still there to drain blood from his lungs.We appreciate all your prayers,” ang Facebook post ni Mercado.
Kamakalawa ay nakapaglalakad nang muli ang actor/politician sa loob ng hospital room.
Una nang iniulat ng medical chief officer, unti-unti nang nagiging clear ang chest tube at 120 ml na dugo na lamang ang na-drain sa nakalipas na 24 oras.
Nitong Sabado isinugod sa nasabing ospital si Jolo makaraan mabaril ang sarili.
Sa March 15 ipagdiriwang ni Jolo ang kanyang ika-27 kaarawan.
