This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
PATAY ang isang 2-anyos nene3 makaraan tamaan sa ulo ng ligaw na bala mula sa baril ng isang pulis sa Pasig City kamakalawa.
Ipinaputok ng pulis na si PO3 Reynante Cueto ang kanyang baril nang barilin sa ulo ng dalawang armadong lalaki ang kanyang kapatid na si PO2 Jason Cueto malapit sa kanilang bahay.
Naganap ang insidente dakong 8 a.m. habang tinutulungan ng nakababatang Cueto ang kanyang inang si Leonila sa paghahanda ng ititinda nilang dumplings.
Sa inisyal na imbestigasyon, dalawang lalaki ang lumapit kay Jason saka binaril siya sa ulo. Kritikal ang kanyang kondisyon sa Rizal Medical Center.
Tinutugis na ng pulisya ang mga suspek na kinilalang sina Dumantog Buratong at “Itlog” ng Magdalena Compound, na tumakas makaraan ang pamamaril.
Ngunit ang nakatatandang Cueto, ay naging emosyonal kaya pinaputok ang kanyang baril.
“Medyo dala ng… kanyang damdamin, medyo nagpaputok siya,” pahayag ni barangay executive officer Bobot Enriquez.
Anim beses na nagputok ng baril ang nakatatandang Cueto at pagkaraan ay humingi ng tulong ang ilang residente para sa 2-anyos na tinamaan ng ligaw na bala.
Isinugod ang paslit sa ospital ngunit nalagutan ng hininga habang nilalapatan ng lunas.
PATAY ang isang 2-anyos nene3 makaraan tamaan sa ulo ng ligaw na bala mula sa baril ng isang pulis sa Pasig City kamakalawa.
