Sunday , August 14 2022

1 week protest vs PNoy nagsimula na

071214 pnoyNAGSIMULA na kahapon ang isang linggong pagtitipon ng iba’t ibang grupong nananawagan sa pagbaba sa puwesto ni Pangulong Benigno Aquino III.

Bandang 12 p.m. nang mag-umpisa ang programa ng EDSA II Beinte Dos (2.22.15) Coalition ng 60 nagsanib-pwersang civil society groups, sa isang improvised stage gamit ang isang 10-wheeler truck sa ilalim ng Ortigas Flyover northbound.

Ito’y makaraan mabigo ang grupong magdaos ng programa sa entablado ng EDSA Shrine dahil maagap itong binakuran ng hilera ng plastic barriers at pinuwestuhan ng mga pulis at sundalo mula EPD, Army at BJMP.

Layon ng pagtitipon na ipanawagan ang pagbaba sa pwesto ni Aquino para maitayo ang People’s Transition Government na maaaring pamunuan ng punong mahistrado hanggang matapos ang 2016 polls.

Sa panayam kay Leon Peralta, tumatayong political and alliance affairs head ng koalisyon, nais nilang “iparinig sa pamahalaan na gusto na po namin ng isang system change … palitan po ang lahat ng baluktot at maling sistema sa ating bansa at magkaroon ng moral recovery program.”

Bago ang programa, isang misa ang idinaos at dinaluhan ng mga opisyal ng koalisyon kabilang ang mismong tiyuhin ni Aquino na si Peping Cojuangco.

Bago mag-7 a.m. nang unang nagdaos ng motorcade ang Movement Against Dynasties (MAD), People’s Transition Council, Citizens Crime Watch at iba pang grupong kaisa sa panawagan ng 2.22.15 Coalition, mula sa Makati, Quirino Avenue, Taft Avenue, Quiapo hanggang sa EDSA Shrine.

Tanghali nang dumating sa EDSA-Ortigas flyover ang grupong Sanlakas. Ilan sa mga nakikita sa protesta ay naka-pulang T-shirt habang ang iba’y may tatak ng mukha nina dating Pangulong Cory Aquino at dating Senador Ninoy Aquino at may katagang ‘Anak, bakit ka nagkaganyan?’.

Ayon sa grupo, makaraan ang programa magsasagawa sila ng prayer vigil hanggang sa Pebrero 28 para sa kanilang panawagan.

About hataw tabloid

Check Also

marijuana

2 drug suspects timbog sa P180-K Marijuana

NASAMSAM ng pulisya ang halos P.2-milyong halaga ng ilegal na droga sa dalawang drug suspects, …

Cara y Cruz

2 Laborer arestado sa Cara y Cruz, baril

SWAK sa kulungan ang dalawang laborer matapos maaresto sa isinagawang anti-illegal gambling operation at makuhaan …

CoVid-19 vaccine

Amyenda sa Covid-19 sa Vaccination Program Act of 2021 hiniling sa Senado

HINILING ni Department of Health (DOH) Officer-In- Charge, Undersecretary Maria Rosario Vergeire sa Kongreso (MMataas …

Robin Padilla 2

Scholarship, Health Services para sa mga magsasaka isinulong sa Rice Tariffication Act

ISINUSULONG ni Senador Robinhood “Robin” Padilla ang scholarship at health services para sa mga magsasakang …

Sonny Angara Money Senate

PPP sa LGUs suportado ni Angara

SUPORTADO ni Senador Juan Edgardo “Sonny” Angara ang panawagan ni Pangulong Ferdinand Marcos, Jr., sa …

Leave a Reply