This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
PATAY makaraan mang-agaw ng baril ang suspek sa serye ng panghoholdap at panggagahasa sa walong establisimento sa Quezon City at pagpatay sa isang Koreana.
Pasado 11 p.m. nitong Lunes, katatapos lang ng ikatlong inquest proceedings sa mga kaso laban sa suspek na si Mark Soque nang bigla niyang agawin ang baril ng lady cop na si PO3 Juvy Jumuad, isa sa mga escort niya sa loob ng fiscal’s office.
Dalawang putok ang narinig at muntik pang tumama ang una kay Jumuad.
Tinamaan ng bala si Soque sa baba na agad niyang ikinamatay.
Walang ibang nadamay dahil walang tao noon sa piskalya.
Hinala ni Chief Insp. Rodel Marcelo, CIDU chief, nawala sa katinuan ang suspek lalo’t wala na siyang kawala sa mga kasong kinahaharap niya.
Matatandaan, sa mga pag-atake ni Soque sa iba’t ibang business establishments, pinaghuhubad at iginagapos ang mga biktima habang napatay niya ang Koreana na si Mi Kyu Park, at dalawang biktima ang kanyang hinalay.
Patuloy ang pagtugis ng mga awtoridad sa isa pang suspek na sinasabing kasama ni Soque sa pagsasagawa ng krimen.
PATAY makaraan mang-agaw ng baril ang suspek sa serye ng panghoholdap at panggagahasa sa walong establisimento sa Quezon City at pagpatay sa isang Koreana. 
