This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
CEBU CITY – Naglaan ang Bohol provincial government at LGU-Tagbilaran City ng reward money sa sino mang makapagbibigay ng impormasyon sa gunman na pumatay sa isang brodkaster nitong umaga ng Sabado.
Si Bohol Gov. Edgar Chatto ay nagpalabas ng P100,000 habang P50,000 mula sa city officials at may private sector na magbibigay para sa karagdagang halaga.
Layunin ng pagbibigay ng reward money na maging mabilis ang takbo ng imbestigasyon at pagresolba ng kaso sa pagpatay kay Engr. Maurito Lim ng DYRD-AM station.
Sa ngayon, tanging CCTV footage at empty shells ang hinawakang ebidensiya ng pulisya.
Ang video mula sa CCTV ng katabing establisimento ay bahagyang malabo at naka-sideview ang salarin.
Sinabi ni Col. Pacito Yape Jr., BPPO information officer, kanilang pinag-aaralan ang personal background ng biktima.
Kabilang dito ang land dispute case, isyu sa reckless driving na nakasagasa siya ng isang pedestrian nang nagmamanehong lasing, at may pending criminal case siya sa korte.
Una rito, binaril si Engr. Lim sa harap ng station at idineklarang patay pasado 1 p.m. kahapon.
CEBU CITY – Naglaan ang Bohol provincial government at LGU-Tagbilaran City ng reward money sa sino mang makapagbibigay ng impormasyon sa gunman na pumatay sa isang brodkaster nitong umaga ng Sabado.
