BUNSOD ng iniindang sakit, nagpasyang magbigti ang isang 53-anyos lalaki kamakalawa ng gabi sa Makati City.
Isinugod ni Albert, 56, ang kapatid na si Angeles Carandang, sa Ospital ng Makati ngunit idineklarang dead on arrival ng mga manggagamot.
Sa imbestigasyon ni PO3 Ronaldo Villaranda ng Homicide Section, ng Makati City Police, dakong 9:25 p.m. nang matagpuan ang biktima habang nakabitin sa loob ng kanyang silid sa 1105 Ricarte St., Brgy Cembo, Makati City.
Sinasabing may matagal nang may iniindang sakit ang biktima na humantong sa komplikasyon kaya posibleng ito ang dahilan ng kanyang pagpapakamatay. (JAJA GARCIA)
