Sunday , August 14 2022

‘Peace at all cost’

USAPING BAYAN LogoLAHAT tayo ay naghahangad ng kapayapaan sa ating bayan subalit hindi ng katahimikang walang katarungan. Hindi tama ‘yung “peace at all cost” kung ang halaga nito ay katumbas ng buhay ng 44 na PNP-SAF na walang awang pinagpapatay. Mali ang kapayapaang hindi nakabatay sa katarungan.

Mayroong ilan kasi na nagsusulong ng Bangsamoro Basic Law (BBL) na walang inatupag kundi trabahuhin ang pagpasa nito sa kongreso kesehodang nagbuwis ng buhay ang mga pulis natin nang dahil sa mismong grupo, Moro Islamic Liberation Front, na makikinabang sa batas na ito. Ang kredibilidad at katapatan ng grupong ito ay kuwestiyonable kaya dapat na mas lalong suriin at hindi madaliin ang pagpasa ng BBL.

Hindi dapat timeline ang maging batayan ng pagpasa ng batas na ito kundi kawastuhan. Dapat linawin ang maraming aspeto nito lalo na ngayon na lumilitaw na mukhang labag ito sa ating konstitusyon.

Ang kabayanihan ng 44 PNP-SAF sa Mamasapano, Maguindanao ay mas magiging ma-kabuluhan kung ito ay magreresulta ng mas mahusay na batas na magbibigay awtonomiya sa ating mga kapatid sa Muslim Mindanao.

* * *

Ang frame of mind na “peace at all cost” ang dahilan kaya pumayag ang mga negosyador ng pamahalaan na kilalanin na may teritoryo ang MILF na dapat igalang ng ating pamahalaan. Ang pagbibigay ng de facto na teritoryo sa MILF ang ginagamit na dahilan kaya napatay ang ating mga pulis sa Mamasapano.

Wala raw koordinasyon sa MILF ang PNP kaya nangyari ang madugong insidente. 

Pero kailan pa nangyari sa kasaysayan ng mundo na ang isang soberenyang bansa tulad natin ay dapat humingi ng pahintulot sa sariling mamamayan nito para dumaan sa “kanilang teritoryo” umano? Kailan pa nagkaroon ng sariling bansa ang MILF na hiwalay sa ating republika? Kaya mali ang “peace at all cost.”

* * * .

Kudos to Anthony Castelo, Lloyd Umali, Ima Castro, Cita Astal at Imelda Papin dahil sa kanilang napakagandang regalo sa mga balo ng SAF-44, ang elite at bayaning unit ng Philippine National Police  na  winaldas ng  Moro Islamic Liberation Front, ngayong Valentines Day. 

Ang regalong ito, isang mini-album na may tatlong magaganda at bagong kanta, ay alay ng mga nasabing mang-aawit sa mga naiwan ng ating mga bayani.

* * *

Kung ibig ninyo ng mahusay, dekalidad at matibay na Barong Tagalog, magsadya kayo sa Casedo’s Gown and Barong Embroidery sa Vanesa Homes, Maytalang 1, Lumban, Laguna. Hanapin ninyo ang mag-asawang Rey at Analie Casedo. Maari rin kayong tumawag sa 09228705893 / 09165753448 / 09273008338 / 09287005132 / 09228705894 / 09399385189

 

 

About hataw tabloid

Check Also

FIRING LINE ni Robert B. Roque, Jr.

‘Di holiday ngayon; tanungin n’yo pa si JPE

FIRING LINEni Robert B. Roque, Jr. SINITA ng Commission on Audit (COA) ang Department of …

AKSYON AGAD ni Almar Danguilan

‘Wag naman…

AKSYON AGADni Almar Danguilan MATINDI ba ang galit mo kay Quezon City Mayor Joy Belmonte? …

Sipat Mat Vicencio

Mga sama ng loob ni Imee

SIPATni Mat Vicencio KUNG meron mang pinakamalungkot na nilalang sa balat ng lupa ngayon, walang …

Sipat Mat Vicencio

Poe nagulat sa pagkambiyo ni Bongbong sa DDR

SIPATni Mat Vicencio NABUHAYAN ng loob ang maraming senador kabilang na si Senator Grace Poe, …

Krystall Herbal Oil

Manugang mabilis na nanganak dahil sa Krystall Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,                Ako po …

Leave a Reply