This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
PATAY ang dalawang lalaking magkapatid habang sugatan ang isang 5-anyos batang babae makaraan araruhin ng isang pampasaherong jeep na nawalan ng preno kamakalawa ng hapon sa Caloocan City.
Patay na nang idating sa Caloocan City Medical Center ang magkapatid na sina Jose, 50, at Rey Marifosque, 48, kapwa residente ng 293 1st St., Brgy. 39, Grace Park ng nasabing lungsod.
Habang ginagamot sa nasabing pagamutan si Chriscelle Athena Medes, ng BMBA, 1st Avenue ng nasabing lungsod.
Nakapiit na at nahaharap sa kasong reckless imprudence resulting in double homicide and physical injury ang driver ng jeep na si Juanito Passion, 50, ng 928-B. Galauran St., 7th Avenue, Grace Park ng nasabing lungsod.
Batay sa ulat ni SPO2 Fernan Romero, dakong 12:55 p.m. nang maganap ang insidente sa kahabaan ng Rizal Avenue Extension, 2nd Avenue ng lungsod.
Tinatahak ng minamanehong jeep (TXF-467) ni Passion ang nasabing lugar nang biglang mawalan ng preno dahilan upang kabigin papuntang kanan na sumampa sa gutter bago bumangga sa sementadong poste sa tapat ng isang motel.
Nagtuloy-tuloy pa rin ang pagtakbo nito at inararo ang mga biktimang nakatayo sa gilid ng kalsada.
Pumailalim sa jeep ang magkapatid habang tumilapon ang paslit na agad nahatak ng kanyang ina. Rommel Sales
PATAY ang dalawang lalaking magkapatid habang sugatan ang isang 5-anyos batang babae makaraan araruhin ng isang pampasaherong jeep na nawalan ng preno kamakalawa ng hapon sa Caloocan City.
