May nararamdaman na ba si Iñigo Pascual sa leading lady niyang si Julia Barreto.
Sa taping daw kasi ng Wansapanataym na Wish Upon A Lusis na napapanood na simula Pebrero 1 ay nakitaang masaya ang binatilyo kapag kausap ang dalaga at mukhang okay na sila as in kuwentuhan na to the max. Sabagay sa dalas nilang magkasama sa tapings at shooting ng pelikula nila ay imposibleng hindi ma develop ang batang aktor.
Base sa kuwento ng Wish Upon A Lusis ay aaminin na ni Joy (Julia) dito ang kapangyarihan ng “magic lusis” na naging dahilan ng kanilang pagkakakilala.
Bilang isang regalo, pagkakalooban ni Joy si JP ng isang lusis upang matupad ang kahilingan nito na makita muli ang kanyang ina. Paano matutulungan ni JP si Joy sa paghahanap nito ng pagmamahal ng isang pamilya, bilang kapalit ng kabutihang ipinakita nito sa kanya? Ano ang kanilang gagawin kapag may kumuha ng kanilang natitirang “magic lusis?”
Tampok din sa Wansapanataym Presents Wish Upon A Lusis sina Susan Africa, Perla Bautista, Bobby Andrews, Miguel Vergara, Eunice Lagusad, Kazumi Porquez, Daisy Reyes, at Ana Roces mula sa panulat ni Joel Mercado at direksiyon ninaManny Palo at Rahyan Carlos.
ni Reggee Bonoan