This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
ISINUSULONG sa Kamara na paharapin sina Executive Sec. Paquito Ochoa at ang suspendidong PNP chief na si Allan Purisima para pagpaliwanagin kaugnay ng operasyon ng Special Action Force (SAF) sa Mamasapano, Maguindanao.
Ayon kay Valenzuela City Rep. Sherwin Gatchalian, nakatanggap siya ng impormasyon mula sa mapagkakatiwalaang source na totoong ang operasyon ng SAF laban sa teroristang si Marwan ay plinano at pinondohan ng Presidential Anti-Organized Crime Commission (PAOCC) na pinamumunuan ni Ochoa.
Ang inalis na direktor ng SAF na si Getulio Napenas ay direktang nagre-report kay Purisima habang ang suspendidong PNP chief ay nagre-report kay Pangulong Benigno Aquino III sa takbo ng top secret operation.
Ito aniya ang dahilan kung bakit sinibak ni DILG Sec. Mar Roxas si Napenas dahil hindi sinunod ang chain of command.
Si Roxas at PNP OIC Leonardo Espina ay kapwa walang kaalam-alam sa naging operasyon ng SAF.
Maging ang ibang mambabatas ay pabor sa pagpapaharap kay Purisima upang tuluyang malinawan ang pangyayari.
ISINUSULONG sa Kamara na paharapin sina Executive Sec. Paquito Ochoa at ang suspendidong PNP chief na si Allan Purisima para pagpaliwanagin kaugnay ng operasyon ng Special Action Force (SAF) sa Mamasapano, Maguindanao.
