This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
SINIBAK sa puwesto si PNP-Special Action Force (SAF) chief Director Getulio Napenas dahil sa madugong ‘misencounter’ ng mga pulis at mga miyembro ng Moro Islamic Liberation Front (MILF) sa Mamasapano, Maguindanao.
Mismong si PNP OIC chief Deputy Director General Leonardo Espina ang nagkompirma sa administrative relief kay Napenas habang nagpapatuloy ang imbestigasyon ng binuong Board of Inquiry (BOI).
Itinalaga ni Espina bilang officer-in-charge ng PNP-SAF si Chief Supt. Noli Talino.
Giit ni Espina, sakaling mapatunayang may lapses sa hanay ng mga opisyal kaugnay sa nasabing operasyon ay mananagot ang nasabing mga opisyal.
Si Espina ang mangunguna sa nasabing imbestigasyon at makatutuwang niya si CIDG chief Director Benjamin Magalong.
Nabatid na ang operasyon ng PNP-SAF ay para maaresto ang top Jemaah Islamiyah bomb expert na si Marwan at si Basit Usman.
SINIBAK sa puwesto si PNP-Special Action Force (SAF) chief Director Getulio Napenas dahil sa madugong ‘misencounter’ ng mga pulis at mga miyembro ng Moro Islamic Liberation Front (MILF) sa Mamasapano, Maguindanao.
