This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
PATAY ang isang babae makaraang saksakin ng kanyang kasintahan sa Quezon City kahapon.
Namatay habang nilalapatan ng lunas sa Quezon City Medical Center ang biktimang si Vismelyn Jardinel, residente ng Alapan 2B, Imus, Cavite.
Agad naman naaresto ang suspek na si Genaro Manalo, 29, ng Sitio Matiyaga, Balibago, Lobo, Batangas.
Ayon sa ulat ng Quezon City Police District-Criminal Investigation and Detection Unit (QCPD), naganap ang insidente dakong 9:45 a.m. sa Relax Apartelle sa 1128 A. Blvd. cor. EDSA, Brgy. Socorro, Quezon City.
Napag-alaman, nag-check-in ang dalawa sa naturang apartelle at ilang minuto lamang ang nakalipas, narinig na nagtatalo ang magkasintahan.
Pagkaraan ay sumigaw ang biktima dahilan upang pasukin ng mga empleyado ang kwarto kasama ang mga pulis.
Pagpasok sa kwarto, tumambad sa kanila ang duguang katawan ng biktima na may tama ng saksak sa likod.
Hindi pa batid kung ano ang ugat ng pagpaslang ng lalaki sa kanyang nobya.
PATAY ang isang babae makaraang saksakin ng kanyang kasintahan sa Quezon City kahapon.