This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
GENERAL SANTOS CITY – Tinutugis ng pulisya ang isang lalaki na bumaril at nakapatay sa kanyang misis kamakalawa.
Kinilala ang suspek na si Tonio Gumbe, 42, magsasaka, residente ng Bati-an Maitum Sarangani Province.
Madaling araw nang nag-away si Gumbe at misis niyang si Noraida Sugod, 16-anyos, na nagresulta sa pamamaril.
Agad binawian ng buhay ang biktima na natadtad ng tama ng bala ang katawan mula sa 12 gauge shotgun ng suspek.
Ayon kay PO1 Rodolfo Cambliza ng Maitum Police station, nagalit ang suspek nang malaman na tatlong buwan nang buntis ang asawa gayong tatlong araw pa lamang silang ikinasal sa pamamagitan ng arranged marriage.
Makaraan ang insidente, agad inilibing ang biktima sa isang ritual ng kanilang tribu.
Kinompirma rin ng pulisya na kasong murder ang haharapin ng suspek.
GENERAL SANTOS CITY – Tinutugis ng pulisya ang isang lalaki na bumaril at nakapatay sa kanyang misis kamakalawa.
