This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
SUGATAN ang deputy chief ng Manila Police District Station 2 makaraan saksakin ng gunting sa leeg ng isang lalaking sabog sa illegal na droga sa mismong gate ng kanyang bahay kamakalawa ng gabi sa Tondo, Maynila.
Kinilala ang biktimang si Chief Insp. Roberto Mupas, 36, ng 2424 Bonifacio St., Tondo, nilalapatan ng lunas sa hindi binanggit na ospital.
Habang arestado ang suspek na si Dennis dela Rosa y Fruelda, 22, residente ng 435 Pinoy St., Tondo.
Sa ulat ni SPO3 Eric delos Arcos, dakong 10:30 p.m., tinawag ng suspek ang biktima at nang lumabas ang pulis ay sinabi sa kanya na ipasok sa trabaho ang kanyang asawa.
Ngunit napansin ng biktima na nasa impluwensiya ng droga ang suspek kaya hindi niya pinansin.
Bunsod nito, nagalit ang suspek, nilapitan ang biktima at sinaksak ng gunting sa leeg ang pulis.
Pagkaraan ay mabilis na tumakas ang suspek ngunit naaresto ng mga barangay official sa follow-up operation.
SUGATAN ang deputy chief ng Manila Police District Station 2 makaraan saksakin ng gunting sa leeg ng isang lalaking sabog sa illegal na droga sa mismong gate ng kanyang bahay kamakalawa ng gabi sa Tondo, Maynila.
