This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
BACOLOD CITY – Patay ang 23 buwan gulang lalaking sanggol makaraan magulungan ng rumaragasang truck sa highway ng Brgy. Baliwagan, San Enrique, Negros Occidental kamakalawa.
Sinabi ni PO3 Reinheart Mandit, traffic investigator ng San Enrique Municipal Police Station, akay ng kanyang ama ang biktimang kinilalang si John Mark Lagarto, habang naglalakad sa tabi ng daan.
Biglang tumawid ang paslit na hindi namalayan ng ama dahilan upang magulungan ng truck na minamaneho ni Chandy Romaros na mula sa bayan ng La Castella.
Wasak ang katawan ng bata at ulo na lamang ang nakuha ng lumigpit na punerarya.
Nakadetine na sa detention cell ng San Enrique Police Station ang driver ngunit hindi pa nakapagpasya ang pamilya ng biktima kung sasampahan siya ng kaso.
BACOLOD CITY – Patay ang 23 buwan gulang lalaking sanggol makaraan magulungan ng rumaragasang truck sa highway ng Brgy. Baliwagan, San Enrique, Negros Occidental kamakalawa.
