This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
Hindi sumipot si DoTC Secretary Jun Abaya sa pagdinig ng House Transportation Committee kaugnay sa ipinatupad na dagdag-pasahe sa MRT at LRT nitong Enero 4.
Sa pag-arangkada ng pagdinig, inabangan ng mga kongresista ang pagdalo ni Abaya na siya sanang dedepensa sa desisyon ng kagawaran.
Sinabi ni DoTC Usec. Jose Lotilla, may mahahalagang meeting si Abaya na kailangang daluhan na nasabay sa pagdinig ng Kongreso.
Agad itong inalmahan ni Bayan Muna Rep. Neri Colmenares sa pagsasabing maaari namang dumalo si Abaya sa mga naturang pulong sa mga nakalipas na araw dahil matagal nang naka-iskedyul ang pagdinig sa dagdag-pasahe sa MRT-LRT.
Habang ayon kay Rep. Lito Atienza ng Buhay party-list, ang kalihim ang pumirma sa dokumentong nag-apruba sa fare hike kaya dapat humarap sa pagdinig at ipresenta ang concession agreement.
Giit ng ilang mambabatas, kung nakapaglaan ng panahon si Abaya sa mga media interview para idepensa ang fare hike, dapat may oras din siya na dumalo sa pagdinig.
Hindi sumipot si DoTC Secretary Jun Abaya sa pagdinig ng House Transportation Committee kaugnay sa ipinatupad na dagdag-pasahe sa MRT at LRT nitong Enero 4.
