ni Roldan Castro
MAY sorpresa kaya si Willie Revillame sa mga televiewer sa nalalapit niyang kaarawan ngayong Enero?
Malakas ang bulong-bulungan na magiging ganap siyang Kapuso. Mas mataas ang percentage na matutuloy na raw sa GMA ang matulunging TV host dahil sa suporta ninaJoey De Leon at Mike Enriquez.
Magandang time slot naman ‘yung tanghali tuwing Sunday na mapanood si Kuya Wil ka-back to back ng Sunday All Stars. At least, may alternative kung musical/variety show ba ang panonoorin o isang game show.
Umaasa rin ang mga tagasubaybay ni Kuya Wil na daily siya mapapanood gaya ng gusto niyang time slot na bago mag-24 Oras.
Pero ang impotante sa ngayon ay makabalik na sa telebisyon si Kuya Wil kahit once a week dahil marami na ang nakaka-miss sa kanya, huh!
