This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
ARESTADO ang isang dating family driver na ilang taon gumahasa sa dalawang anak na babae ng kanyang kinakasama sa Nagcarlan, Laguna.
Hindi nakapalag ang suspek na si Ariel Manjares ng Brgy. Sta. Lucia nang hulihin ng mga pulis pasado 5 a.m. kahapon.
Ikinasa ang operasyon makaraan samahan ng tiyahing taga-Maynila ang dalawang bata na magsumbong sa pulis nitong Martes.
Ayon sa ulat, simula nang magsama ang suspek at ang nanay ng mga biktima, nagsimula na rin ang panghahalay sa dalawang stepdaughter.
Nabatid na unang ginalaw ang isang biktima simula pa noong 15-anyos hanggang umabot ng 19-anyos, habang ang nakababatang kapatid na 16-anyos ay may dalawang taon na rin ginagalaw ng suspek.
Dating family driver si Manjares ngunit kasalukuyang walang trabaho kaya tuwing umaalis ng bahay ang ina ng dalawang biktima ay doon siya sumasalisi.
Nahaharap ang suspek sa kasong multiple counts ng rape, attempted rape at child molestation.
ARESTADO ang isang dating family driver na ilang taon gumahasa sa dalawang anak na babae ng kanyang kinakasama sa Nagcarlan, Laguna.
