This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
INAASAHANG aabot sa 15 milyong deboto ang dadagsa sa pista ng Itim na Nazareno sa Quiapo, Maynila.
Puspusan na ang pag-aayos sa Quirino Grandstand para sa pagdating ng Santo Papa at sa pahalik sa Pista ng Poong Nazareno. Doon din magsisimula ang traslacion.
Bukod sa orihinal na imahen, isang replika ang ilalagay sa Quirino Grandstand para sa pahalik.
Maaari ring pumunta ang mga sa deboto sa iba pang diocese na may replika ng imahen ng Black Nazarene.
Sa Huwebes hanggang Biyernes, may vigil mass sa Quirino Grandstand, at pagpatak ng 5 a.m. sa mismong araw ng kapistahan sa Biyernes, magmimisa si Manila Archbishop Luis Antonio Cardinal Tagle bago ang traslacion.
Tulad noong nakaraang taon ang ruta ng andas. Mula Quirino Grandstand, didiretso sa Katigbak Drive at Padre Burgos, kakaliwa sa Taft Avenue, tatawid sa Jones Bridge at papuntang Escolta.
Tiniyak ng Manila City government na ligtas ang daraanan ng traslacion.
Halos 30,000 ang volunteers para sa kapistahan kasama ang 3,000 medical volunteers at 39 ambulansya.
INAASAHANG aabot sa 15 milyong deboto ang dadagsa sa pista ng Itim na Nazareno sa Quiapo, Maynila.
