Monday , November 29 2021

Katagay patay sa paramihan ng manok na ninakaw

112514 crime sceneKALIBO, AKLAN — Patay ang isang 32-anyos lalaki nang tadtarin ng saksak ng isa sa kanyang mga nakainoman makaraan magpasiklaban sa dami ng ninakaw na manok sa Brgy. Fulgencio Norte, Balete, Aklan.

Kinilala ang biktimang si Milo Concepcion, isang magsasaka at residente ng Brgy. Calizo ng nasabing bayan.

Habang boluntaryong sumuko sa Balete PNP station ang suspek nang makonsensiya sa nagawang krimen na kinilalang si Jun dela Cruz, 20, isang construction worker at residente ng naturang barangay.

Base sa report, pagkatapos mag-inoman noong Enero 1 ay niyaya ng suspek ang biktima na umuwi na.

Habang naglalakad ay naikuwento ng suspek na tinangka nilang pasukin ang bakod ng kanilang kapitbahay, ngunit hindi sila nagtagumpay dahil maraming aso.

Ngunit, bilang bumida ang biktima at sinabing apat na manok ang kanilang nakuha sa naturang bahay kahit na maraming aso.

Inamin ng suspek na patibong lamang niya ang kwento upang mapa-amin ang biktima na siya ang nasa likod sa mga nangyayaring nakawan ng manok sa kanilang lugar.

Dahil sa kalasingan, bigla niyang inakbayan ang biktima at sinaksak sa leeg.

Nang bumagsak sa lupa ay pinagsasaksak pa niya sa likod at pinatihaya saka tinadtad uli ng saksak sa katawan ang biktima.

Ilang beses din niyang pinalo ng kahoy nang ilang beses sa ulo ang biktima. Nang masigurong patay na, ibinaon niya ang bangkay sa hukay.

Nang makonsensiya ay sumuko ang suspek sa mga pulis kamakalawa ng hapon at agad narekober ang bangkay ng biktima sa pinaglibingan sa kanya sa madamong lugar.

About hataw tabloid

Check Also

5 tulak nakalawit
DRUG DEN NABUWAG SA SUBIC

ARESTADO ang limang drug suspects habang nabuwag ang isang hinihinalang drug den ng mga awtoridad …

Driver sugatan sa ambush
KANDIDATONG KONSEHAL, 1 PA TODAS

PATAY sa pamamaril ng mga hindi kilalang suspek ang isang kumakandidatong konsehal at ang kanyang kasama …

300 bahay naabo sa Cebu

NATUPOK ang hindi bababa sa 300 bahay nang sumiklab ang sunog sa Brgy. Mambaling, sa lungsod …

Paslit na anak minolestiya
ng maelyang ama

HINDI na nakapagpigil  ang isang maelyang ama at pati ang sariling anak na 4-anyos ay ‘pinaglaruan.’ Naaresto …

Binata sinaksak ng tiyuhin sa QC

MALUBHANG nasugatan ang isang binata makaraang saksakin ng tiyuhin dahil sa matagal nang alitan na naungkat …

Leave a Reply