HATAW! D'yaryo ng Bayan hatawtabloid.com
CAGAYAN DE ORO CITY – Nasa kustodiya na ng mga awtoridad ang pangatlong suspek sa pag-ambush sa grupo ni Iligan City Lone District Rep. Vicente Belmonte sa Laguindingan, Misamis Oriental na ikinamatayng tatlo katao habang apat ang sugatan.
Sinabi ni provincial administrator Jun Pacamalan, ang mga residente ng Brgy. Gasi sa Laguindingan ang nakahuli sa nasabing suspek kamakalawa at dinala sa Laguindingan-PNP.
Ayon sa mga residente, bigla na lamang lumabas ang suspek sa nasabing lugar at tumakbo na naging dahilan upang siya ay habulin ng mga sibilyan.
Base sa cedula na nakuha galing sa posisyon ng suspek, kinilala siya sa pangalang Rene Hareol, 38, ng Balagtasa, Maigo, Lanao del Sur.
Una nang nahuli ng mga awtoridad ang mga suspek na sina Tata Dokumento, ng Tambo, Iligan City, at Dominador Tumala ng Zamboanga City.
