NAGBARIL sa sentido ang isang binatilyo kahapon sa Makati City makaraan magdamdam nang mabatid na tutol sa kanilang pagmamahalan ang mga magulang ng kanyang kasintahan.
Namatay noon din ang biktimang si Russel Lopez, ng J.B. Roxas St., Brgy. Olympia ng nasabing lungsod, sanhi ng isang tama ng bala ng kalibre .38 baril sa sentido.
Base sa ulat ng Makati City Police, naganap ang insidente sa bahay ng kaibigan ng biktima na hindi nagpabanggit ng pangalan, sa Kalayaan Avenue, Brgy. West Rembo ng nabanggit na lungsod.
Labis ang pagdaramdam ng biktima kaya nagpunta sa bahay ng kaibigan para ihinga ang sama ng loob.
Ngunit dakong 4 a.m., nakarinig ng putok ng baril at pagkaraan ay natagpuang duguan at wala nang buhay ang biktima.
Iniimbestigahan ng pulisya ang insidente upang mabatid kung may naganap na foul play sa pagkamatay ng biktima.
Jaja Garcia
