Pasko-Titap sa GRR TNT

TUNGHAYAN ngayong Sabado, 9:00-10:00 a.m. ang ikalawang yugto ng Pamaskong pagtatanghal ng GMA News TV show na Gandang Ricky Reyes Todo Na Toh (GRR TNT) na pinamagatang Pasku-Titap.

Dahil ang Pasko raw ay para sa mga bata, dadalhin tayo ni Mader Ricky Reyes sa Pasko Sa Metro na tiyak na enjoy sila sa mga kiddie fun ride, mga tiyangge na mabibilhan ng mga laruan, damit at sapatos at mga tindahan ng pagkaing mula sa iba-ibang probinsiya at siyudad ng bansa.

Hindi makukompleto ang Noche Buena kung walang dessert o panghimagas. Darayuhin ngGRR TNT staff at crew ang tatlong restoran na pamoso sa masasarap na matamis na tiyak na kagigiliwang pagsaluhan ng pamilyang Pinoy. Akma rin ang tawag sa mga ito na Christmas-Sarap.

Idinaraing ng mga ginang ng tahanan ang mataas na Meralco bill. May interbyu si Mader RR sa isang taong nakatuklas ng paraan para bumaba ang konsumo natin ng koryente. Ito’y sa segment na Elelctricity, No Worry.

Magpe-play Santa si Mader sa tatlong babaeng matagal ng problema ang pagkalugas at pagnipis ng buhok. Masosorpresa sila sa regalong lunas sa kanilang problema. Panoorin sila sa Happy at Beauty ang Crowning Glory na ginagawa sa lahat ng sangay ng Gandang RR Salon.

Abangan sa tatlo pang Sabado ang pagtatanghal ng Paskong GRR TNT na prodyus ngScriptoVision.