Mag-uutol arestado sa shabu

NAUNSIYAMI ang nakatakdang pot session ng magkakapatid nang maaresto sa operasyon ng mga awtoridad kamakalawa ng tanghali sa Malabon City.

Nahaharap sa kasong paglabag sa R.A. 9165 (Dangerous Drugs Act) ang mga suspek na kinilalang sina Annaliza, 46, vendor; Ramil, 43; at Jonathan Almorado, 22, alyas Pepe, helper, pawang residente sa 53 Rimas Road, Brgy. Potrero ng nasabing lungsod.

Batay sa ulat ni SPO1 Redentor Mantala, dakong 12:10 p.m. nang matiyempohan ang tatlo sa nasabing lugar habang naghahanda para sa pot session.

Nakuha sa pag-iingat ng mga suspek ang anim sachet ng hinihinalang shabu, drug paraphernalia at isang bala ng kalibre .38 baril.

Rommel Sales