HATAW! D'yaryo ng Bayan hatawtabloid.com
INIIMBESTIGAHAN ng pulisya ang anggulong love triangle sa pagpaslang sa 37-anyos cigarette vendor na pinagbabaril ng isang hindi nakilalang salarin habang tulog sa harap ng tindahan kahapon ng madaling-araw sa Muntinlupa City.
Namatay noon din sanhi ng tama ng bala sa ulo at katawan ang biktimang si Merlyn Basas, hiwalay sa asawa, at nakatira sa 91F, Interior, Purok 6, Bayanan, Muntinlupa.
Ayon kay SPO1 Ronnie Tamondong, ng Muntinlupa Police Criminal Investigation Section, dakong 2 a.m. nang maganap ang insidente sa harapan ng 7-11 convenience store sa Montillano St., Alabang.
Sa pahayag sa pulisya ni Juanito Cariazo, 43, security guard, bigla siyang nilapitan ng suspek at tinutukan ng baril sa tagiliran saka binaril ang biktima na noo’y nakaidlip, sa hindi nabatid na dahilan.
Nang nakalugmok na si Basas ay muling binaril sa ulo at katawan bago mabilis na tumakas ang suspek.
Manny Alcala
