HATAW! D'yaryo ng Bayan hatawtabloid.com
TIYAK na nanibago ang sikat na personalidad kasama ang kanyang BF dahil sa nawalang VIP treatment sa kanila sa tuwing dumarating sila ng bansa galing abroad.
Paano’y na-hold ang dalawa at binulatlat pa ang mga dala-dalang bagahe.
Ayon sa mapagkakatiwalang source, nakatimbre na raw ang magdyowa dahil nakapagpapasok pala ang mga ito ng mga beauty product everytime na manggagaling abroad. Bukod dito’y ni hindi nabibigyan ng kaukulang tax ang mga dala-dala nilang produkto bukod pa sa bawal ipasok sa bansa.
Dati raw ay dire-diretso ang magdyowa kapag lalapag na ng airport gayundin ang kanilang mga bagahe na hindi na iniinspeksiyon.
Pero this time, ipinag-utos daw na bulatlatin ang mga dala-dalahan ng mga ito. Wala namang beauty product na daka ang magdyowa, pero may signature bag kaya ‘yun ang binigyan ng tax.
Bukod dito, tila nagalit pa raw ang BF ni sikat na personalidad dahil kinunan ng video ang mga naganap sa airport. Nagbanta raw itong kapag hindi itinigil ay magdedemanda siya.
Ang taray ‘di ba?! Can afford naman kasi nilang magdemanda ng magdemanda dahil marami silang dahtung. Ilang beses na raw kasing nakapagpasok ng mga produkto ang sikat na personalidad na walang tax na binabayaran.
‘Yun na. (HNT)
