HATAW! D'yaryo ng Bayan hatawtabloid.com
ni Roldan Castro
TIYAK na matutuwa si Willie Revillame sa mga dancers na produkto ng Wowowee hanggang Wowowillie dahil hindi sila tumigil sa pagsasayaw, bagkus nag-improve pa.
Kung nandoon lang si Kuya Wil sa Crossroads para sa recital ng mga estudyante at first anniversary ng Star Danz Studio nina Luningning, Ms Cathy Chan, Ms. April Santos, Ms. Kitty Coronel, at Ms. Cathy Gallano ay magiging proud si Kuya Wil sa mga dating Wowowee Dancers.
Nag-opening sina Luningning, Mariposa, Lovely Abella, Cha, at Bea na may pole dancing tapos ‘yung second number ay naglalambitin naman sila sa ere na nakakapit lang sa tela.
Hindi lang pa-sexy at humahataw ang performance nila, pang-Talentadong Pinoy na rin.
Naging hosts naman sina Rainier Castillo at Lucky Mercado.
Balitang karelasyon ni Rainier ang isa sa kasosyo ni Luningning sa Star Danz na matatapuan sa 86 Mother Ignacia St., Barangay Paligsahan, Quezon City. Ginamit talaga ni Luningning ang kanyang talento sa pagsasayaw para magtayo ng dancing studio at lugar para sa dance workshop at pagtuturo ng pole dancing.
Bongga!
