Female TV host, sobrang reklamador sa mga katrabaho
ANO kaya ang pinanghahawakan ng female TV host dahil masyado siyang reklamadora sa mga katrabaho niya na akala mo ay malaki ang kontribusyon niya sa programang kasama siya.
Kinaiiritahan na naman ang female TV host na ito ng mga staff ng programa na ganito rin ang nangyari sa iniwang programa dahil ramdam niyang hindi na siya welcome.
Ang tsika sa amin tungkol sa female TV host, ”sakit na yata niya na kapag may hindi siya gustong staff ay pinatatanggal niya, feeling almighty ang lola mo palibhasa malakas sa management ang manager niya.
Ang siste, gusto ng female TV host ay parati raw siyang nasusunod at kapag hindi siya sinunod ng staff ay tinatalakan niya at ‘pag napuno na ay pinatatanggal niya at kapag hindi raw tinanggal ay nagmamaldita na sa lahat.
“Paano naman ang ibang kasama niya sa shows na ang babait at ginagawa ang trabaho nila?,” katwiran sa amin ng isa sa staff.
Hindi ang female TV host ang pinakabida sa programang kasama siya dahil bago siya pumasok ay mataas na ang ratings ng programa.
ni Reggee Bonoan
