HATAW! D'yaryo ng Bayan hatawtabloid.com
BUGBOG-sarado sa taumbayan ang isang karnaper makaraan maaktohan habang tinatangay ang isang motorsiklo sa tapat ng bahay ng biktima kamakalawa ng gabi sa Caloocan City.
Arestado ang suspek na si Jerickson Cueto, 22, residente ng 2006 Katamanan St., Brgy. 223, Tondo, Manila, nahaharap sa kasong carnapping, nakapiit sa detention cell ng Caloocan City Police.
Batay sa ulat ni PO2 Patrick Jay Baldemor, dakong 8 p.m. nang maganap ang insidente sa tapat ng bahay ng biktimang si Dante Sotto, 37, ng 74 M.H. Del Pilar St., 4th Avenue, Brgy.177 ng nasabing lungsod.
Salaysay ng biktima, palabas siya ng bahay nang maaktohan niya na pinaaandar ng suspek ang kanyang Honda Wave (XI-1851) saka mabilis na tumakas.
Sumigaw ang biktima kaya mabilis na sumaklolo ang mga barangay tanod at mga kalalakihan dahilan upang madakip ang suspek na binugbog muna bago dinala sa himpilan ng pulisya.
Rommel Sales
