Lyca, lumipat na sa napanalunang bahay at lupa mula Camella Tierra Nevada

SINALUBONG ng anak ni Vistaland Chairman Manny Villar na si Camille sina Lyca at pamilya nito sa kanilang bagong bahay mula Camella Tierra Nevada.

[divider]

LUMIPAT na noong Miyerkoles ang pamilya ni The Voice Kids grand champion Lyca Gairanod sa kanilang bagong lupa’t bahay mula sa Camella Tierra Nevada sa General Trias, Cavite.

Ang lupa’t bahay ay may 100-hectare estate development with parks and sports facilities. Noong Miyerkoles din isinagawa ang house blessings na dinaluhan mismo ng anak ni Vistaland Chairman Manny Villar na si Camille at ng iba pang Camella official.

Kaagad ding nai-turn over noong Miyerkoles ang bahay at lupa sa ina ni Lyca na hindi maitago ang saya at tuwa.

Bukod sa bahay at lupa, kasama sa premyong natanggap din ni Lyca bilang grand champion sa The Voice Kids ang P1-M cash at recording contract.

Nabigyan din ng chance si Lyca para makaarte sa isang episode ng long-running drama anthology, Maalaala Mo Kaya. Lumabas na rin siya sa primetime drama, Hawak Kamay kasama si Piolo Pascual, at muli siyang matutunghayan sa isa sa pinakabagong teleserye ng ABS-CBN, ang Nathaniel na pinagbibidahan ng child actor na si Marco Pingol.

ni Maricris Valdez Nicasio