Friday , January 28 2022

Abangan love story nina Gabriel (Coco) at Andrea (Kim) sa “Ikaw Lamang” magwawakas na ngayong Oktubre sa Primetime Bida sa Kapamilya Network

081914 coco kim award

00 vongga chika peterIsang engrandeng “once in a lifetime TV event” ang ihahandog ng Hari at Prinsesa ng teleserye na sina Coco Martin at Kim Chiu sa huling dalawang linggo ng “Ikaw Lamang” tampok ang muling pagtatagpo ng mga una nilang karakter na sina Samuel at Isabelle (ginagampanan na ngayon nina Joel Torre at Amy Austria). Eere ang huling episode ng master teleserye ng ABS-CBN sa Oktubre 24 (Biyernes). Mula nang umere noong Marso ngayong taon, tinutukan ng TV viewers ang “Ikaw Lamang” mula sa kwento ng pagmamahalan nina Samuel at Isabelle noong dekada ‘70, hanggang sa pag-iibigan nina Gabriel (Coco) at Andrea (Kim) sa kasalukuyang panahon. Patunay pa sa tagumpay ng serye ang mahigit 150 episodes nito na gabi-gabing panalo sa national TV rating, ang best-selling soundtrack, at ang Twitter-trending performances ng powerhouse cast nito.

Sa huling dalawang linggo ng “Ikaw Lamang,” tiyak na mayayanig ang gabi ng TV viewers ngayong nakatakas na sina Isabelle at Andrea mula kay Franco (Christopher de Leon) sa tulong nina Samuel at Gabriel. Tuluyan na bang makalalaya sina Isabelle at Andrea mula kay Franco, o muli na naman ba nitong hahadlangan ang kanilang kaligayahan? Magagawa ba ni Natalia (KC Concepcion) na sumama kina Isabelle at Andrea kapag natuklasan niya ang katotohanan sa nakaraan ng amang si Franco? Sa huli, maisasakatuparan pa rin ba nina Gabriel at Andrea ang pag-ibig na minsan nang hinadlangan ng nakaraan? Sa ilalim ng direksyon nina Direk Malu Sevilla, Manny Palo, at Avel Sunpongco, tampok din sa “Ikaw Lamang” ang powerhouse cast na binubuo nina Jake Cuenca, Julia Montes, Ronaldo Valdez, Tirso Cruz III, Cherry Pie Picache, Cherie Gil, John Estrada, Daria Ramirez, Meryl Soriano, Spanky Manikan, at Lester Llansang.

Tampok naman sa malaking pagbabago ng “master teleserye” ang mga bagong karakter na ginagampanan nina Rio Locsin, Nonie Buencamino, Smokey Manaloto, Arlene Muhlach, Jojit Lorenzo, Alora Sasam, at Mylene Dizon. Ang master teleseryeng “Ikaw Lamang” ay isa sa mga obra ng Dreamscape Entertainment Television, ang grupong lumikha ng mga de-kalibre at top-rating TV masterpiece gaya ng “Walang Hanggan,” “Ina Kapatid Anak,” at “Juan dela Cruz.” Huwag palampasin ang mga kapanapanabik na eksena sa huling dalawang linggo ng master teleseryeng “Ikaw Lamang,” gabi-gabi, pagkatapos ng “Hawak-Kamay” sa ABS-CBN Prime- time Bida. Para sa karagdagang impormasyon kaugnay ng “Ikaw Lamang,” bisitahin lamang ang official social media accounts ng programa sa Facebook.com/IkawLamang.Online, Twitter.com/IkawLamang_TV at Instagram.com/IkawLamang_TV.

ni Peter Ledesma

About hataw tabloid

Check Also

Korina Sanchez Ping Lacson

Korina aliw sa pa-farm ni Sen Ping

SHOWBIZ KONEKni Maricris Valdez Nicasio HINDI maitago ni Korina Sanchez-Roxas ang aliw nang magtungo sa farm ng …

Nadine Lustre Tattoo

Nadine muling nagpa-tattoo sa braso

MATABILni John Fontanilla IPINAKITA ni Nadine Lustre ang bagong dragon tattoo sa kanyang braso na umabot hangang …

Sean de Guzman

Sean miss na ang pagsasayaw
BIBIDA NAMAN SA ISANG SERIES

NAKAUSAP ko si Sean de Guzman lately in a serious note. Totoo palang miss na miss na rin …

Jos Garcia

Jos Garcia apektado ng lockdown sa Japan

MATABILni John Fontanilla LOCKDOWN ngayon sa Japan dahil sa pagtaas ng kaso ng Covid 19 …

Iya Villania Drew Arellano Antonio Primo Alonzo Leon Alana Lauren

Iya, Drew at mga anak okey na

RATED Rni Rommel Gonzales BUMALIK na sa kanyang trabaho sa 24 Oras ang host na si Iya Villania matapos …

Leave a Reply