HATAW! D'yaryo ng Bayan hatawtabloid.com
BABALIK nga ba sa ABS-CBN si Edu Manzano?
Ito kasi ang tsikahan ngayon na nakipag-meeting na raw si Edu kasama ang manager niyang si June Rufino sa ABS-CBN management.
Hindi kaya inunahan ng TV host ang nalalapit na pagtatapos ng Face The People season 3?
Yes Ateng Maricris ang tsika kasi ngayon ay hindi na magkakaroon ng season 4 ang Face The People.
Kaya nangalampag kami ng taga-TV5 tungkol dito at ang sabi sa amin, “as of now po ang sabi lang ay magtatapos na ang season 3, ‘yung season 4 po, walang advise kung mayroon pa. Will let you know po.”
Hindi kami nakuntento sa sagot sa amin kaya nangulit kami sa kilala naming TV executive ng TV5, “may meeting kami sa Monday with the management, Reggs, so hindi kita masasagot kung may season 4 pa. But based on the ratings, doing well naman. So I hope, mayroon naman.”
At saka namin sinabing aalis na raw si Edu sa FTP dahil hindi na niya kaya ang stress sa show, “actually, si Edu per season naman ang usapan, so baka hindi na siya mag-renew for another season, talaga, aalis na siya? Sayang naman,” sagot sa amin.
Kuwento naman sa amin ng taga-Face The People, “they are still working on it, both Edu and season 4.”
‘Yun naman pala, under negotiation pa rin kung bibitawan ng TV5 si Edu. Ang tanong, pumayag kaya si Doods?
ni Reggee Bonoan
