HATAW! D'yaryo ng Bayan hatawtabloid.com
ni Roldan Castro
MASAYA si Jessy Mendiola na nakasama niya sa work si John Lloyd Cruz.
“Bucket list ko talaga makatrabaho si John Lloyd. Pumasok ako ng showbiz para makatrabaho siya,” deklara niya na sinabi pang pinanoood niya ang mga teleserye ni JLC gaya ng Maging Sino Ka Man etc..
Tinanong din si Jessy kung nailang ba siya sa love scene nila ni JLC?
“Mas kinakabahan ako kasi napakagaling niyang aktor at kailangan ikaw din ay sumabay din sa galing niya. Kasi sobrang galing niya. Siya ‘yung tipong tititigan ka niya, ‘di siya magsasalita ng kahit ano, pero alam mong inaalalayan ka niya. He has that look na, ‘you got this.’ Kapag nakuha mo ‘yung eksena, parang nandoon ‘yung look na, ‘okay, nakuha mo siya,’” pakli ng magandang aktres.
Hindi lang ang career ni Jessy ang maganda pati na ang pakikitungo sa ex-boyfriend niyang si JM De Guzman na napapanood ngayon sa seryeng Hawak Kamay.
Nagulat daw siya noong una niya itong makita sa UP na nagjo-jogging. Na-shock siya pero happy siya para kay JM. Wala raw ‘yung bad memories sa muling pagtatagpo nila after two years.
Nagpunta rin siya sa nakaraang birthday celebration ni JM dahil sa yaya ng friends nila. Aminado siya na nahihiya siyang pumasok noong una lalo’t nandoon ang family ng ex-boyfriend. Nanghihina raw ang tuhod niya pero pinilit din siya ng friends nila na pumasok. Nasorpresa naman daw si JM at naging okey ang lahat.
Siyempre, nandoon din ang mga biruan at asaran.
Talbog!
