2 utas, 21 timbog sa drug raid sa Biñan

PATAY ang dalawang lalaki habang 21 ang naaresto sa magkasunod na drug raid sa Biñan, Laguna kamakalawa.

Kinilala ng Biñan Police ang dalawang napatay na sina Mario Garfin at Rodelio Evangelista, kapwa miyembro ng Pogi Gang, isang kilabot na hitman group.

Ayon sa ulat, pinaputukan ng mga suspek ang mga pulis na sumalakay kaya ginantihan sila.

Narekober sa mga suspek ang isang automatic Ingram at improvised de-sabog na ginamit sa pamamaril.

Ang dalawang napatay ang itinuturong maintainer ng sinalakay na drug den sa Purok Tramo, Brgy. Canlalay, na kinaarestohan ng siyam kalalakihan habang nagsasagawa ng pot session sa isang barong-barong.

Umabot sa 12 katao ang naaresto sa sumunod na pagsalakay sa Purok Almazora Riles na nakompiskahan ng shabu at ilang drug paraphernalia. (BETH JULIAN)