Tuesday , January 25 2022

Uulan ng plunder sa 2016 sa mga nagbulsa ng DAP

00 pulis joey

TATLUMPONG proyekto na pinondohan ng DAP (Disbursement Acceleration Program) na nagkakahalaga ng P29.6 bilyon taxpayers money ang nawawala, sabi ng Commission on Audit.

Ang laking pera nito!!!

Sino-sino ang nagbulsa? Siyempre ang mga inihalal natin tulad ng senador, kongresista, gobernador at mayor na mga dikit kay Presidente Noynoy Aquino.

Sigurado ring nabigyan ang mga miyembro ng gabinete ni PNoy.

Sa ngayong administrasyon, hindi mabibigyan ng hustisya ang paglalaho ng napakalaking pera ni Juan dela Cruz.

Marahil sa pagbaba ni PNoy sa 2016 kasama ng mga co-terminus officials ay doon palang mabubulgar kung sino-sino ang nagbulsa ng ating pera na ipinagkatiwala natin sa kaban ng gobyerno for public services. Ito’y kung ang papalit kay PNoy ay hindi niya kaalyado at kakalkalin ang katiwaliang ito sa DAP.

Ang DAP ay inimbento ni Budget Secretary Butch Abad para raw sa mabilisang pagpagawa sa mga proyekto ng pamahalaan at mapabilis ang pag-unlad ng bansa. Ang pondo ay galing sa mga hindi nagagastos na budget ng bawat government agency. Siyempre lahat ay taxpayers money.

Ang DAP na binuo ni Abad at inaprubahan ni PNoy noong Oktubre 2011 ay kinatay ng Korte Suprema noong Disyembre 2013 nang ideklarang unconstitutional o labag sa batas.

Kaya mga suki, sa 2016 ihalal natin ang kandidato na may malinis na budhi at magpapakulong sa mga nagnakaw ng pera natin. Siya nawa…

Gustong malipol

ang mga tulak/adik

sa San Jose del Monte,

Bulacan

– Gud am po. Sana malipol na ang mga drug pusher at user dito po sa San Jose del Monte, Bulacan. Malaki kasi ang lagay sa mga pulis dito kaya talamak ang droga dito sa Lapoblacion Subd., Brgy. Muzon dito sa UPAO. Wala pong aksyon na ginagawa ang pulisya namin dito. Madaming tricycle driver dito gumagamit mga kulay dilaw. Huwag n’yo po ilathala ang number ko. Salamat. – Concerned citizen

Totoo ito. May info tayong may ilang pulis d’yan sa San Jose del Monte, Bulacan na nagbabagsak at protektor ng droga. Manmanan!!!

Totoo ang sobrang

kahirapan sa CARAGA

– Sir Joey, gud am po. Totoo po ‘yung kahirapan sa CARAGA REGION. Mga magulang at mga kapatid ko halos ‘di makakain nang dalawang beses sa isang araw. Ang hirap ng buhay ‘pag walang-wala. Pero ang mga politiko ang yayaman nila. Sinira na nila mga bundok dahil sa mining. Ang dami na. Kakarampot lang din ang sahod ko rito sa Maynila, hahatian ko pa mga magulang ko. Sana mapansin ‘yan ng national gov’t. Sana iparehas na lang nila ang sahod d’yan sa CARAGA o buong Mindanao na minimum tulad sa Manila ang rate. Kasi wala namang ipinagkaiba ang bilihin doon at dito, parehas lang ang presyo ng pangunahing bilihin. Mga negosyante yumayaman nang todo, pasahod ng manggagawa ang liit. Sana bigyan nila ng pansin. Salamat. – Matt Pegares ng Mainit, Surigao del Norte

Trabahador ng Pantar,

Lanao del Norte

5 months nang ‘di sumasahod

– Ako po ay isang janitor sa municipal hall ng Pantar, Lanao del Norte. Mula nang madismis ang mayor namin dito noong Mayo 2014 dahil napatunayan ng hukuman na siya ay criminal pala at ang naging mayor namin ay ang vice mayor na si Mangondaya Tago hanggang ngayon hindi pa po kami sumusuweldo. Dahil nanggugulo ang dating mayor na napatalsik at naging criminal na ngayon. May mga kasabwat kasi na pamilya ng gobernador ng Lanao Del Norte kaya hindi na ma-release ang IRA ng Pantar. Tulungan n’yo po kami rito, DILG Sec. Mar Rojas. Bakit ganito? Mamamatay na kami sa gutom. Pakitutukan po ninyo ito. ‘Wag po ilabas ang numero ko. – Concerned worker ng Pantar, Lanao del Morte

Paging DILG Sec. Roxas, kailangang-kailangan ang tulong mo dito sa Pantar.

Aksyon!

REAKSYON at REKLAMO… Sumulat sa POLICE Files!: JGV Publishing House, Inc., Leyland Bldg., Delgado St., cor 20th St., Port Area Manila Phil. Telefax 521-7015

Cell: 0919-3297810 / E-mail add: [email protected]

Joey Venancio

About hataw tabloid

Check Also

Andrea Brillantes Seth Fedelin Francine Diaz

Papa O ibinuking daks na alaga ni Seth

MA at PAni Rommel Placente SA kanyang YouTube video kasama sina Mama Loi at Tita Jegs, sinabi ni Ogie Diaz na nakarating …

Kevin Santos wife

Kevin ikinasal na sa non-showbiz GF

REALITY BITESni Dominic Rea KILALA niyo ba si Kevin Santos o Kayvin Acupicup Santos sa totoong buhay na produkto …

Julie Anne San Jose Rayver Cruz

Pagli-link kina Rayver at Julie Anne sablay

REALITY BITESni Dominic Rea MUKHANG hindi umobra ang pagli-link kina Rayver Cruz at Julie Anne San Jose. After …

Bryan Termulo

Bryan Termulo tour guide sa Amerika Pagkanta hinahanap-hanap

MATABILni John Fontanilla MISS na ni Bryan Termulo ang local showbiz ngayong nasa Amerika siya at doon …

Claudine Barretto Mark Anthony Fernandez Deception

Mark Anthony at Claudine walang ilangan sa Deception

MATABILni John Fontanilla AFTER 27 years, muling nagtambal sa pelikula ang ex-couple na sina Mark Anthony …

Leave a Reply