CAUAYAN CITY, Isabela – Patay ang 2-anyos batang babae makaraan makoryente sa washing machine ng kanilang kapitbahay sa Ramos East, San Isidro, Isabela kamakalawa.
Kinilala ang biktimang si Princess Sinaya, residente sa nasabing lugar.
Si Princess ay nagtungo sa kaibigan na kanilang kapitbahay upang makipaglaro ngunit nadatnan niya ang kanyang kalaro na naglalaba kasama ang ina sa likod ng kanilang bahay na kanyang ginaya.
Ngunit nahawakan ng bata ang saksakan ng washing machine na ginagamit sa paglalaba ng ina ng kaibigan kaya’t siya ay nakoryente.
Dinala sa ospital si Princess ngunit idineklarang dead on arrival.
Ang ina ng bata ay nagtatrabaho sa ibang bansa habang ang ama ay pumasok sa trabaho at kamag-anak lamang ang nag-aalaga sa biktima.
(BETH JULIAN)
