ARESTADO ang dalawa sa tatlong holdaper na gumahasa sa isang 21-anyos babae sa San Fernando, Cebu kamakalawa.
Kinilala ni PO1 Fernando Mata ng San Fernando Police Office, ang dalawa sa tatlong mga suspek na sina Kevin Cabrera at Arnel Ladica.
Sa ulat ng pulisya, namamasyal ang 21-anyos biktima kasama ang 24-anyos nobyo nang holdapin sila ng tatlong armadong lalaki sa Sitio Pajo, Brgy. Pitalo, San Fernando.
Nang makuha ang mga gamit at pera, inutusan ng mga suspek na magtalik ang magkasintahan ngunit mahigpit silang tumanggi hanggang halinhinang gahasain ang babae sa harap ng nobyo.
Sa kabila nang malagim na pangyayari, desidido ang nobyo na pakasalan pa rin ang biktima. (BETH JULIAN)
