HATAW! D'yaryo ng Bayan hatawtabloid.com
TUMAAS na sa P200,000 ang reward laban sa suspek na dumukot, gumahasa at pumatay sa 11-buwan gulang sanggol na iniwan sa ilalim ng pampasaherong jeep sa San Juan City.
Ayon kay San Juan Mayor Guia Gomez, ang pabuya na dati ay P100,000 ay dinagdagan para sa agarang pagkaaresto sa suspek na walang-awang gumahasa at pumatay sa biktimang si Geralyn, anak ng mag-asawang sina Geraldine Mata at Ariel Cortez.
Magugunitang dinukot ang sanggol noong Agosto 1, 2014 dakong 3 a.m. sa Kalye N. Domingo, Brgy. Batis, ng nabanggit na lungsod.
Pagkaraan ay natagpuan ang sanggol sa ilalim ng pampasaherong jeep ni Efren Martinez, 57, sa Don Emilio Ejercito St., Brgy. Tibagan dakong 8 a.m.
Ayon kay Mayor Gomez, ang dagdag na P100,000 ay mula sa isang concerned citizen na ayaw magpabanggit ng pangalan, para maaresto ang suspek na si Arnel “Digoy” Tumbali, 20-24 anyos.
Kasong abduction, rape at homicide ang isinampa laban sa suspek. (ED MORENO)
