Sino ang padrino ni Jueteng Pineda sa Palasyo?

PARANG hindi kapani-paniwala ang mga ipinagyayabang ng grupo ng ‘jueteng PINEDA na pasok na umano ang antigong gambling lord sa inner circle nina PangulongBenigno Simeon Aquino III at DILG Secretary Mar Roxas.

Ito ay makaraang personal na makipagtagpo daw si Pineda kay Budget Secretary Butch Abad na finance officer ng Liberal Party kamakailan sa Jeepney Coffee Shop ng Intercon Hotel Makati.

Makailang beses na ring naging laman ng mga broadsheet at tabloid column ang nasabing ‘chance meeting’ kuno nina Abad na noo’y nasa isang private meeting umano sa mga foreign visi-tors.

Si Pineda naman ay kasama ng isang mataas na opisyal ng PNP na kilalang malapit sa pamilya Aquino.

Ayon sa ating mga sources, nangako umano ng financial support si Pineda kay Abad para sa Liberal Party para sa 2016 presidential elections to the tune of 500 million pesos.

Wow!!! kalahating bilyong piso?

BIR Comm. Kim Henares, Ganyan na ba kayaman si PINEDA at kayang magtapon ng ganoon kalaking halaga?

Pero on the second thought, hindi ito masa-sabing pagtatapon ng pera kundi investment. Isang wise investment ika nga!

Lahat naman ng bagay o pabor ay may nakalaang kapalit o katapat.

Sa kaso ng jueteng king na si Pineda, obvious ang mga dahilan kung bakit mismong si Abad pa mismo ang nagpatawag sa First Gentleman ng Pampanga.

Hindi magiging hari ng jueteng si Pineda for nothing. Estabilisado na ang mama bilang king maker ng bansa gamit ang jueteng money.

Buhay na saksi ang naging kapalaran nina former presidents Erap Estrada at Gloria Macapagal Arroyo na kapwa kumpare at kumadre daw ng mga Pineda.

Kaya naman pala maging si PNP Chief Alan Purisima ay walang magawa sa tila ‘untouchable operations’ ng jueteng ni Pineda at ng kabu-uang gambling empire nito?

Naging ‘see no evil, hear no evil hindi lamang ang tanggapan ni General Purisima kundi lahat ng mga opisyal ng kapulisan.

Kasama sa ‘regalo package’ ni Pineda sa mga incoming regional at provincial directors ng PNP ay brand new cars at pakimkim na sobre na puno ng pera.

Matik na itong kalakaran sa sistema ng jueteng operation ng mamang Kapampangan.

Mula mga barangay chairmen hanggang sa kataas-taasang opisyal ng gobyerno ay umaagos ang grasyang ipinamumudmod ni Pineda.

Alam nito kung paanong gamitin ang kuwartang mula sa jueteng.

Bukod sa iba’t ibang units sa Kampo Crame, pasok ang jueteng network ni Pineda sa NBI, Games and Amusement Board (GAB) at iba pang law enforcement agencies kasama na dito ang DILG ni Mar Roxas na isang alyas Mike Blanko ang designated bagman.

Pero may pagkatuso si Pineda gaya ng iba pang negosyante. Pumupusta ito sa magkabilang magkalabang ‘manok’.

Alam n’yo na kung ano ang ibig nating sabihin!

Pasok din sa payola nina BATMAN & ROBIN TANDEM NATIONAL MEDIA PAYOLA (7,14,21,30) ang Jueteng Pineda!

Makinig sa DWAD 1098 khz am TARGET ON AIR Monday – Friday 2:00 – 3:00 PM. mag email sa [email protected]

Rex Cayanong