Manila truck ban ugat ng port congestion — PNoy

INAMIN ni Pangulong Benigno Aquino III na ang Manila truck ban ang ugat ng port congestion at pagbagal ng daloy ng mga sasakyan sa Kalakhang Maynila.

Sa panayam ng media sa Pangulo sa SMX Convention Center sa  SM Lanang Premier, Davao City, sinabi ng Pangulo na hindi inaasahan na ganito ang perhuwisyong mararanasan ng publiko dulot ng Manila truck ban kaya’t kahit ginawa na ng Manila City Hall ang mga hakbang na ipinakiusap sa kanila, hindi ito naging sapat.

Kaya humingi ng paumanhin ang Punong Ehekutibo sa publiko, at hiniling ang ibayong pagsasakripisyo sa epekto ng port congestion hindi lang sa ekonomiya ng bansa kundi sa pinapasan ng mga consumer na pagtaas ng presyo ng mga bilihin.

(ROSE NOVENARIO)