HATAW! D'yaryo ng Bayan hatawtabloid.com
ni John Fontanilla
SA pagputok ng balitang hiwalay na sila ng kanyang live -in partner na si Katrina Halili, nananatiling tikom ang bibig ni Kris Lawrence at mas gustong manahimik na lamang.
Binasag ni Katrina ang katahimikan nang sabihin nitong friends na lang sila ni Kris pero bukas naman daw ang pinto ng kanyang bahay para dalaw-dalawin ni Kris ang kanilang anak. At kahit hindi nga tuwirang sabihin ni Katrina na hiwalay na sila ay ito pa rin ang naglalaro sa isip ng bawat taong nakabasa sa kanyang interviews.
At sa ‘pag-amin nitong hindi na sila magkasama sa iisang bubong ang nagpalakas ng hinala ng lahat na totally ay hiwalay na sila. Marami tuloy ang nag-iisip kung anong dahilan ng break-up nila ni Kris na noong una`y napakaganda ng samahan.
Naway maayos sana ang gusot nila para na rin sa kanilang lumalaking anak.
PINOY CANADIAN SINGER NA SI RAMIL OMOSURA, NASA BANSA
NASA bansa ang sikat na Pinoy Canadian singer/producer at Senior Vice President ng 5linx na si Ramil Omosura para sa unveiling ng 5linx Philippine na magaganap sa Sept. 13, 1:00 p.m. sa PICC .
Magiging espesyal na panauhin ang 5linx founder na si Craig Jerabeck.
Bukod sa launching, nasa bansa rin si Ramil para sa kanyang Asian Promo ng kanyang album na nauna nang nailunsad sa Canada at sa Amerika. Kaya naman sa 14 days niyang pananatili sa bansa ay magkakaroon ito ng radionat TV guestings para i-promote ang album.
Nakatakda rin itong magkaroon ng mall tour na magsisimula sa Sept. 13 sa Starmall Edsa/Shaw at sa Sept.14 sa Starmall, San Jose Bulacan. Habang nakatakda namang i-release ang kanyang next album bago matapos ang taon sa Canada at sa Amerika na magkakaroon din siya ng series of shows early next year para sa kick off ng promotions ng kanyang album.
