HATAW! D'yaryo ng Bayan hatawtabloid.com
DATELESS si Matteo Guidicelli sa nakaraang Star Magic Ball na ginanap sa Makati Shangri-La Hotel na inaasahan pa naman ng lahat ay kasama ng binatang aktor ang girlfriend niyang si Sarah Geronimo.
Si Sam Milby ay mag-isa ring naglakad sa red carpet at walang Shaina Magdayao na kasama na ayon sa aktor ay hindi naman daw siya nagsabi sa dalaga na sila ang magka-date sa Star Magic Ball.
Kaya ang ending, mag-isa ring dumating si Shaina sa nasabing event with her black fitted gown na off-shoulder at nakalugay lang ang buhok.
Bagamat dala-dalawa ang leading lady ni Coco Martin sa Ikaw Lamang serye ay mag-isa rin siyang dumating sa Star Magic ball dahil si Kim Chiu ay si Xian Lim ang date at ang nakakataka ay mag-isa ring dumating si Paulo Avelino sa event minus KC Concepcion.
Bagamat si Bea Alonzo ang partner ni Paulo sa Sana Bukas Pa Ang Kahapon ay hindi naman puwedeng sila ang magka-date dahil ang boyfriend nitong si Zanjoe Marudo ang kasama ng aktres.
Maging si Richard Gomez ay hindi kasama ang misis niyang si Congresswoman Lucy Torres-Gomez dahil may ibang lakad daw.
Maging si Jessy Mendiola ay mag-isa ring dumating, hindi ba siya niyaya ng ex-boyfriend niyang siJM de Guzman?
Isa sa gustong-gusto ng photographers noong gabi ay ang magka-loveteam na Enrique Gil at Liza Soberano na bagay na bagay daw kaya hindi na raw kataka-taka kung isang araw ay mabalitaang nagkakamabutihan ang dalawa. Hmm, hindi kaya promo ito ng Forevermore?
Ilan lang ang mga nabanggit ang nabalitaan naming dumating sa nakaraang Star Magic event.
ni Reggee Bonoan
