[divider]
ni ROLDAN CASTRO
[divider]
HABANG isinusulat namin ito’y nakatakdang mag-date sina Piolo Pascual at Iza Calzado sa Star Magic Ball sa Makati Shangri-La. Niyaya ni Papa P ang kanyang leading lady sa Hawak Kamay na maging ka-date sa naturang event.
Hindi naman tumanggi si Iza. Hindi siya makapaniwala na yayayain siya ng kanyang crush.
Iniintriga tuloy kung hindi ba magseselos ang boyfriend ni Iza na si Ben Wintle na escort niya last year sa Star Magic Ball? Keber naman daw ng boyfriend niya sa ganyan. Foreigner daw ito at naiintindihan ang mga ganyang sitwasyon at walang selos sa katawan.
Anyway, bukod sa seryeng Hawak Kamay kasama rin si Iza sa horror movie na Maria Leonora Teresa with Jodi Sta. Maria at Zanjoe Marudo na showing sa September 17. Ito’y sa direksiyon ni Wenn Deramas.
